Jan 29, 2010

पुणे ते गुहागर - मार्ग व टप्पे

पुणे ते गुहागर :


मार्ग :

पुणे - पिरंगुट - मुळशी - ताम्हिणी घाट - माणगाव - लोणेरे - आंबेत - दापोली - दाभोळ - धोपावे - गुहागर


अंतर व टप्पे :
</> </>
क्र.
अंतर (कोथरुडपासून)

Kms
ठिकाण/टप्पानोंद
1.45Quick Bite (Hotel)
चांगले हॉटेल : न्याहारी व जेवण
2.75
ताम्हिणी घाट सुरु

3.82विळे फाटा. माणगावला जायला डावीकडे नवीन मोठा रस्ता.

खरे म्हणजे ह्याला माणगाव फाटा म्हणायला हवे ! :)
4.86
T junction (आडवा रस्ता). इथे डावीकडे वळणे

‘तासगाव’ अशी पाटी
5.-माणगाव गेल्यावर गोवा हायवेला डावीकडे वळणे
6.-काही अंतरावर उजवीकडे ‘मोर्बा’ अशी पाटी. गुहागरला जायला उजवीकडे न वळता हायवेवर सरळ जाणे.
7.113
लोणेरे - हायवे सोडून उजवीकडे वळणे

8.118गोरेगाव एस टी स्टॅंड
9.122नांदवी फाटा
उजवीकडे सुवर्णमंदिर (दिवेआगर चे) ची पाटी
10.-घाट चालू

11.131आंबेत
इथपासून दापोली ५६ किमी
12.147दापोलीसाठी उजवीकडे वळणे
इथपासून दापोली ४० किमी
13.186दापोली
दाभोळ साठी circle ला उजवीकडे घेणे व पुढच्या लहान circle ला डावीकडे घेणे.
14.209कोळथरे फाटा

15.-दाभोळ
(फेरी बोट) : एका वेळी सात-आठ वाहने व पन्नास एक माणसे घेऊन पलीकडे ‘धोपावे’ ला सोडते (व अर्थातच तिथून तसाच ऐवज इकडे आणतेही.) प्रवासाचा वेळ १० मिनिटे. पोचाल तेव्हा बोट पलिकडच्या बाजूस असेल तर साधारण एकूण ४०-५० मिनिटे आपल्याला पलिकडे पोचण्यास लागतील (फेरी पलिकडे ठराविक वेळ थांबून निघणे, आपल्या बाजूस येणे, वाहने उतरवणे, चढवणे वगैरे)
16.-
‘धोपावे’ ला उतरल्यावर उजवीकडचा रस्ता घेणे

हा रस्ता २-३ किमी लांब पण दुस-या डावीकडच्या रस्त्यापेक्षा चांगल्या स्थितीत.
17.230गुहागर




नोंदी:


• एकूण वेळ ५ तास ४५ मिनिटे. (अर्धा तास मधे थांबून)

• जाताना Quick Bite ला थांबलो. बरेच पदार्थ (अजूनही) छान. (पोहे, बटाटा वडा, सा. वडा, मिसळ, भजी वगैरे)

• राहण्याचे ठिकाण : हॉटेल 'कौटिल्य'. व्यवस्था व सेवा समाधानकारक. AC room (शहरी चोचले म्हणून नाके मुरडू नयेत. 'गुडनाईट'ला न जुमानता 'गुडनाईट किस' घेऊ पाहणा-या डासांसाठी हे चांगले हत्यार आहे :). पण फार डास नव्हतेच)

• १० मिनिटे चालत अंतरावर 'अन्नपूर्णा' हॉटेल. ठिकठाक. तुका म्हणे त्यातल्या त्यात. शाकाहारी व मांसाहारी. जेवण बरे/चांगले. भाज्या चविष्ट. सुरमई फ्राय चांगला. सोलकढी मात्र आंबट. चौघांचे शाकाहारी जेवण रु. ३००. 'स्वीट' मधे श्रीखंड, आम्रखंड व आमरस (बरा होता) अशी विविधता (!) . तिन्ही ब्रॅंडेड.

• त्याच्या समोरच असलेले अगदी नवीन व्याडेश्वर हॉटेल फार गर्दी नसलेले (कदाचित शुद्ध शाकाहारी असल्याने). नवीन झालेले त्यामुळे अजून जम बसायचा होता बहुदा.

• बाकी बाजारातील दोन तीन हॉटेल्स साधीच. (साधे म्हणून चविष्ट असेलच असे नाही :))

• हेदवीचे गणपती (द्शभुज लक्ष्मी गणेश) मंदिर सुरेख आहे. सध्या (किंवा आता कायमचा) मंडप घातला आहे त्यामुळे पूर्ण देवळाचा असा फोटो काढता आला नाही. Edit: मित्रवर्य मिलिंद बोडस ह्याने काढलेला देवळाचा सुंदर फोटो आता पोस्टला आहे. एकूण सुबकता आणि रंगसंगती (काहीशी बालवाडीच्या भिंतींसारखी वाटली तरी !) प्रसन्न करणारी आहे. मला फार कमी वेळा मंदिरे आवडतात. ब-याच ठिकाणी सार्वजनिक (अ)स्वच्छतागृहासारख्या पांढ-या टाईल्स लावलेले व त्यावर पान थुंकल्यावर पडतात तसे डाग पडलेले गाभारे पाहिले की मी झपाट्याने नास्तिकतेकडे झुकू लागतो. (वेगळ्या व प्रदीर्घ लेखाचा विषय !)

• हॉटेल कौटिल्य कडून किना-याकडे येता येते फक्त ५ मिनिटे चालत. तो किना-याचा भाग स्वच्छ आहे. एकूण ९०% किनारा स्वच्छ आहे. सणसणीत अपवाद तिथून दुस-या टोकाला बाजारातून किना-याला प्रवेश आहे तिथे ! बरोबर ओळखलंत.. कचरा, सांडपाणी, प्लॅस्टीकच्या पिशव्या वगैरे वगैरे. तिथेच 'चाट' पदार्थांचे ५-६ स्टॉल्स आहेत.

• हॉटेल कौटिल्यच्या श्री. ओक ह्यांचेच चैताली सुपर शॉपिंग सेंटर बाजारात व्याडेश्वर मंदिराच्या शेजारी. लहान गावाच्या मानाने आधुनिक, प्रशस्त व स्वच्छ. तिथे भरपूर 'कोकण मेवा' खरेदी झाली. आमरस (पल्प). सरबते : आवळा, चिबूड, कोकम, काजू (फळाचे) . लोणची, आवळा कॅंडी, पापड वगैरे वगैरे

• तिथेच जवळ 'विजया बेकरी' मधे (नावाची पाटी नाही) नारळाची ताजी बिस्कीटे (कुकीज) मस्त मिळाली.

• वेळणेश्वर व हेदवी अनुक्रमे २० व २५ किमी अंतरावर. हेदवीला 'बामणघळ' म्हणून ठिकाण आहे. भरतीच्या वेळी इथे घळीत वेगाने पाणी शिरून ५० फूट पाणी उडते असे कळले.. दुर्दैवाने आम्ही गेलो तेव्हा भरती नव्हती. (तरी उत्साहाला ओहोटी न लावता चालत गेलो पुढे. ती घळ खडकांवरून चालताना अचानकच लक्षात आली)

• कोकण परिसराची माहीती 'साद सागराची' ह्या पुस्तक मालिकेत अतिशय छान दिली आहे. विशेषत: नकाशे. (काही माहिती जुनी किंवा चुकीची आहे ती सुधारायला हवी). पण फक्त चाळीस पन्नास रुपयात ही पुस्तके बरीच चांगली माहिती, नकाशे व फोटोंसहीत उपलब्ध करुन देण्याचा उपक्रम अतिशय स्तुत्य आहे. नकाशात दोन टप्प्यांमधील अंतर (मोटरसायकल रिडींगनुसार) जोडणा-या रेषेवरच लहान चौकोनात तिथेच दिले आहे त्यामुळे अंदाज यायला मदत होते.

• धोपावे येथे फेरी बोटीचे भाडे एकूण ११४/- एका फेरीस. म्हणजे जाऊन येऊन नाही. ८ सीटर (टोयोटा इन्होव्हा) गाडी व ड्रायव्हर धरून ५ माणसे.

• टोल कुठेही नाही.


तर, ह्या पोस्टमधील 'जंक्शन' व फुटकळ अशी सर्व माहिती तुम्हाला उपयोगी पडेल अशी आशा आहे कारण पोस्टचा हेतू उस्फुर्त मजा कमी करणे नसून जास्तीत जास्त माहितीच्या आधारावर तुमची कोकण भेट आनंददायी व्हावी हाच आहे ! ( बाकी उस्फूर्त 'मज्जा' आणायला आपल्या देशात अनेक घटक मौजूद असतातच ! उदाहरणांसाठी फेरी बोटीच्या फलकाचा फोटो पहावा !)


प्रकाशचित्रे :






दाभोळ-धोपावे फेरी बोट



 
खालील छायाचित्रे मित्रवर्य मिलिंद बोडस  यांजकडून सप्रेम भेट :)



 
प्रवासासाठी हार्दिक शुभेच्छा ! :)
 
 
- राफा

10 comments:

Globe Treader™ - © Kiran Ghag said...

(उपयोगी) माहितीपूर्ण...आभार!

एम. डी. रामटेके said...

चला, आता मित्राना हि माहीती पाठवितो.
लवकरच जायची तयारी करावी लागेल.
अगदी आमच्या कामाची माहीती दिल्या बद्द्ल धन्यवाद.

राफा (राहुल फाटक) said...

किरण, एम. डी. रामटेके : माहिती उपयोगी वाटली हे वाचून आनंद झाला.

Anonymous said...

hi
I think guhagar la jayala patan-chiplun asa hi marg ahe..
ST buses tashach jatat punyahun..
pune-satara-patan-chiplun-guhagar.

राफा (राहुल फाटक) said...

Hi Anonymous,

होय. तुम्ही म्हणता तो मार्गही आहेच. तो रस्ता चांगला पण थोडा लांबचा आहे अशी माहिती मिळाली.

deepak said...

aamhi divalila ganpatipulyala janar ahot.Apan dileli mahiti atishay upyukt ahe. Dhanyavad!

राफा said...

Deepak, स्वागते !(welcome :))
माहिती उपयुक्त वाटल्याचे आवर्जून कळवलेत म्हणून आनंद झाला.

Anonymous said...

छान माहिती दिलीत,धन्यवाद !!!

शेखर घाणेकर said...

छान माहिती दिलीत,धन्यवाद !!!

राफा said...

Welcome Shekhar.