Oct 3, 2011

तीच ना ती ?

लाल हिरवे, कधी निळे वस्त्र ल्यालेली
कांती ती सावळीशी, सोन्यात न्हालेली

बर्फाळ थंडीतच, तारुण्य फुलते तिचे
गारठते कमनीय कोमलांग नितळ तिचे

वस्त्र जरासे तोकडे, चिकटून अंगास बसते
सख्यांसवे खेळता, कधी ती किणकिण हसते

त्या थंड तुषारांत, अशी ती थिजलेली
नायिकाच जणू ती, पावसात भिजलेली !

सलज्ज उभ्या तिने, धरला अबोला जरासा
उघडता मुखकमल होई सुंदर ध्वनी खासा

फेसाळत उसळली अन ती यौवनलाट आटली
लोकहो, सावरा ! ही तर बिअरची बाटली !


- राफा


11 comments:

Dev said...

Mast !

Dev said...

Mast !

राफा said...

Thanx Dev (twice :) ) !

Yogini said...

hehehe,, bhaaree

राफा said...

Thanx Yogini :)

Abhishek said...

अरार आख्खी तरुणी बघितली होती मी त्या बाटलीआधी... आता सावरलो

राफा said...

Abhishek, :)))

Sagar Kokne said...

वाह वाह ! क्या बात !!

राफा said...

Thanx a lot Sagar ! :)

प्रसाद said...

Are hi kavita KAATIL ahe !!!

राफा said...

Thanx a lot Pashya. (kaatil kavita he ramsey chya movie che naav vatat ahe :))