Jun 14, 2007

आंधळा मागतो एक डोळा, आणि देव देतो गॉगल !

क्षणभराचे काम, युगायुगांचा विसावा
'देव' हा इसम बहुतेक भारतीय असावा !

गार्‍हाणी नेऊन त्याच्या दारी
मारे आपण हाकाट्या पिटतोय
तक्रारीची खिडकी बंद करून
तो आत चकाट्या पिटतोय !

'प्रोजेक्ट विश्व' पेलायची लायकी
ह्याचाच शेवटी प्रश्न उरतो
देवाच्या 'वर' कुणीच नाही तर,
त्याचे 'अप्रेजल' कोण करतो ?

हे विश्व म्हणजे काय 'पीमटी' आहे ?
की कुणीही भाड्याने चालवावी !
देवाच्या हातात किल्ल्या देऊन ,
आपण आपली लाज का घालवावी ?

अश्या गोष्टी 'आऊटसोर्स' करून,
कधीच फळ मिळत नाही..
आता बसा बोंबलत, देवाला
आपला ऍक्सेंट कळत नाही !

काही देवमाणसांकडून तो
थोडी माणूसकी घेईल काय ?
विश्वविधाता वगैरे राहू देत
साधा माणूस तरी होईल काय ?

त्याच्यावर ठेवू विश्वास, पण
त्याचा आपल्यावर बसेल काय ?
'गॉड अट वर्क' ही पाटी
स्वर्गात तरी दिसेल काय ?

देवांचे देवांसाठीचे ते राज्य
तीच तर त्याची लोकशाही !
वरवर लोकांसाठी सर्व अवतार
पण तो मूळचा पडला शेषशाही !

- राहुल फाटक


***

11 comments:

Meenakshi Hardikar said...

sahi

Yogesh said...

jabari

क्षणभराचे काम, युगायुगांचा विसावा
'देव' हा इसम बहुतेक भारतीय असावा

हे लै आवडलं

Vidya Bhutkar said...

आता बसा बोंबलत, देवाला
आपला ऍक्सेंट कळत नाही !
हीहीही.... :-)) कविता मस्त आहे. आजच पावूस,आज आणि लिखाण-ए-गंमत वाचले. सगळेच पोस्ट एकदम सही आहेत. खूप आवडले.
मला वाटते, जे आकर्षक आहे ते लिहिण्यापेक्षा जे वाटतं ते लिहावं, जसं -जेव्हा वाटतं तेव्हा तसं लिहावं.
-विद्या.

कोहम said...

class....rahul...manapasun avadali....dev nakkich bharatiya asava....patala..

black_adder said...

ek number posts all of em, I liked em.can we have some more.

मिलिंद छत्रे said...

ही हि ही रा.फ़ा एकदम झकास आणि भन्नाट

Unknown said...

sundar...! 'kavita' aavadali... :)

Rani said...

Nice Poem..Apratim.
Asech lihit raha.

राफा said...

Meenakshi, Yogesh, Vidya, Koham, Amol, Milind, shreyas & Rani :

Thanx !!! :)

Hrishikesh said...

Bravo...... kalpakta Khupach chhaan aahe......
Pan mi khare te saangto ( je mala watle (itaraanchi mate bhinn asu shaktaat) THIS IS BLASPHEMOUS.....
mhanje mazya drushtikonatun...... Kalecya drushtikonatun surekh aahe....

राफा said...

Thanx Hrishikesh !
BLASPHEMOUS.. hmmm.. well, like myself, you also have a right NOT to remain silent about what you feel :) so your honest (and yet courteous) comment is welcome :)