May 7, 2007

डायवर कोन हाय ?

- राहुल फाटक


पुण्यनगरीत ('विद्येचे माहेरघर' फेम) वाहतुकीचा प्रश्न दिवसेंदिवस उग्र होत चालला आहे ! रक्त बासुंदीसारखं आटवून आटवून सांगितलं आणि कितीही समाजप्रबोधन केलं तरी अजूनही परिस्थिती गंभीरच आहे.

तुमचा कदाचित विश्वास बसणार नाही पण आजही.. हो हो ह्या आजच्या युगात, आजच्या दिवशी, काही तुरळक लोक अजूनही सिग्नल पाळत आहेत ! आधुनिक समाजातल्या बहुसंख्य लोकांप्रमाणे सिग्नल, लेन, वेगमर्यादा वगैरे जुनाट वाईट चालीरिती झुगारून देण्याचे धाडस त्या सामान्य लोकांच्या अंगी नाहीच. पण जपून वाहने चालवणे, उजव्या साईडनेच ओव्हरटेक करणे, नेमून दिलेल्या जागेतच पार्कींग करणे आणि सर्वात दुर्दैवी म्हणजे हॉर्नचा वापर कमीतकमी करणे वगैरे प्रकारही काही मोजक्या लोकांकडून अजूनही चालू आहेत.


हे कुठेतरी थांबायला नको का ???


ह्या निवडक मूर्ख लोकांमुळे निर्माण झालेली ही परिस्थिती देशाला कुठे घेऊन जाईल ह्याचा विचार मनात आला तरी मेंदूत वाहतूक मुरंबा होतो ! पण मुळातच हे लोक 'रस्त्यावर' यावेत का हाच प्रश्न आहे !


सुदैवाने वाहतूक खात्याने ह्यावर तातडीने उपाययोजना करायचे ठरवले आहे. पुणे वाहतूक शाखेने नवीन परवाना ' काढायला ' येणाऱ्यांसाठी खास प्रश्नावली बनविली आहे. आता आठचा आकडा काढून परवाना घ्यायची पद्धत जाउन ह्या सर्व कठीण प्रश्नांची योग्य पर्याय निवडून अचूक उत्तरे देण्याऱ्यासच ह्यापुढे परवाना मिळु शकेल !


प्रश्नावली:

प्रश्न १. पुण्यात वाहतूक सौजन्य दिन साजरा करण्याचे ठरत आहे. त्यासाठी सर्वात चांगला दिवस कुठला ?

  • दर महिन्याच्या बत्तीस तारखेला
  • सडपातळ अंगयष्टी असलेला ट्रॅफिक पोलिस दिसेल त्या दिवशी
  • रिक्षावाले तिरके न बसता सरळ बसू लागतील त्या दिवशी

प्रश्न २. चालकासाठी रस्त्यावर परीक्षा देण्यास सर्वात योग्य दिवस :

  • गटारी अमावास्येला रात्री ११ वाजता
  • ट्रॅफिक पोलिस, सिग्नल वगैरे नसलेल्या चौकात 'पालखी'च्या दिवशी
  • सर्व धरणांचे सर्व दरवाजे उघडावे लागतील अशा 'रिमझिम' पावसाच्या दिवशी

प्रश्न ३. '१०० मीटर पर्यंत वाहने उभी करु नये' हा बोर्ड पाहून तुम्ही काय करणे अपेक्षित आहे ?

  • घरुन टेप घेउन निघावे व टेपने मोजून बरोबर अंतरावर गाडी लावावी
    प्रत्येकाने हाताची एक 'वीत' म्हणजे किती सेन्टिमिटर ते लक्षात ठेवावे आणि बोर्डपासून १०० मिटर होइपर्यन्त वीता मोजून मग गाडी लावावी
  • बोर्डवर सोसायटीच्या गणेशोत्सवातल्या स्पर्धांचे राहिलेले पोस्टर लावावे
  • बोर्ड उखडून आडवा ठेवावा



प्रश्न ४. तुम्ही अलिशान चार चाकी चालवताना सिग्नल तोडलात आणि पकडले गेलात. वाहतूक पोलिसाने हसुन गाडीकडे पहात हात खाजवत 'काय करता साहेब' अशी सुरुवात केल्यास..

  • गाडीचा ड्रायवर असल्याची बतावणी करुन खिशात फक्त सव्वा रुपया आहे असे सांगावे
  • झटकन आंधळे असल्याची बतावणी करावी व क्रॉस करण्यास मदत मागावी
  • पोलीसाशी हस्तांदोलन करावे आणि 'आज इकडे कसे काय? ऑफ ड्यूटी आहात का?' असे विचारावे !
  • चालू फॅशनच्या पक्षाचा झेंडा कायम गाडीत ठेवावा व अशा वेळी झटकन लावावा



प्रश्न ५. लाल सिग्नल असल्यास...

  • सिग्नललाच ठोकावे म्हणजे पुढच्या वेळी लाल दिव्याचा त्रास होणार नाही
  • हिरवा सिग्नल मिळालेल्या काटकोनात असलेल्या गाड्यांमधे आपली गाडी खुशाल घुसवावी आणि वर आपणच त्रासिकपणे खांदे उडवत रहावे !
  • करकचून ब्रेक दाबावा व थांबावे .. पण त्याआधी गाडी सिग्नल पार करून चौकात मधोमध आहे ना ह्याची खात्री करावी


प्रश्न ६. हिरवा सिग्नल असल्यास..

  • गाडी कासवाच्या वेगाने चालवून आयत्या वेळी सटकावे आणि बरोब्बर मागच्या गाडीला लाल सिग्नलला अडकवून असूरी आनंद घ्यावा.
  • उजवीकडे लांबपर्यंत डिव्हाईडर असूनही उजवा इन्डिकेटर देउन मागच्यास गोंधळात टाकावे
  • सिग्नल ओलांडून गाडी चौकात रस्त्याच्या मधोमध थांबवून पत्ता विचारावा.

प्रश्न ७. सिग्नल तोडताना पोलीसाने शिट्टी मारल्यास..

  • आपणही दुप्पट जोरात शिट्टी मारावी
  • पोलिसाला घरी आया बहिणी नाहीत का विचारावे !
  • बाजूच्या स्कुटरवाल्याच्या हेल्मेटची काच वर करुन 'ते तुम्हाला बोलवताहेत' असे सांगावे
  • दोन शिट्ट्यांच्या मधे 'जागते रहो' असे ओरडावे


प्रश्न ८. लाल सिग्नलला आपल्या पुढचा थांबल्यास..

  • त्याला सुसाट ठोकून आपणच वाईटातली वाईट शिवी द्यावी
  • ठोकता नाही आले तर बाजूने जाऊन 'चल ना.. सिग्नल दिसत नाही का' असे तुसडेपणाने म्हणावे व रागात बघत निघून जावे
  • सिग्नल सुटायला वेळ असेल तर त्याच्या गाडीवर ब्लेडने 'वाटेल तिथे थांबू नये' असे कोरावे


प्रश्न ९. 'एकदिशा मार्ग' असा बोर्ड पाहिल्यास..

  • आपल्याला हव्या त्या कुठल्याही एका दिशेने जावे.
  • त्या गल्लीत जाताना बोर्डवरच्या बाणाचे तोंड आकाशाकडे वळवावे (मागचा ट्राफिक एकदम कमी होईल !)
  • बरोबर विरुद्ध दिशेने जाउन बरोबर दिशेने एकेरी वाहतुक करणारे 'एकेरी'वर येतील असे बघावे

प्रश्न १०.उजवीकडे वळायचे असल्यास काय कराल ?

  • दुचाकीवर असाल तर.. तर काय ? असाल तसे वळा !!!
  • चारचाकीत गाडीतल्या पाठच्या पुढच्या सर्व लोकाना खिडकीबाहेर सर्व दिशाना हात दाखवून अगम्य खुणा करण्यास सांगावे.
  • शक्यतो सर्वात डावीकडच्या लेन मधे गाडी ठेवुन वळायचा सिग्नल जवळ येईल तशी जोरदार उजवीकडे वळण्यास सुरुवात करावी.


प्रश्न ११. 'जड वाहनास प्रवेश बंद' अशी पाटी पाहिल्यास

  • बायकोस गाडीतून खाली उतरण्यास सांगावे
  • त्यानेही नाही काम भागले तर आजूबाजूच्या गाडीवाल्याना दोन चार शिव्या देउन मन हलके करावे
  • ट्रक चालवत असल्यास पाटीपर्यंत जाऊन ती वाचावी आणि मग ट्राफिक जॅम झाल्यावर रिव्हर्स घ्यायला सुरुवात करावी.


प्रश्न १२.अतिशय बुद्धिमान व सुजाण नागरिक असल्याचे सर्वात उत्तम लक्षण कोणते ?

  • तुम्ही लहान मुलाची माता असाल तर रस्त्याकडेने चालताना तुमच्या मुलाला ट्रॅफिकच्या साईडला ठेवुन आपण दुसरीकडे वेंधळेपणे बघत चालणे.
  • अतिशय भिकार अशी 'लेटेस्ट ट्यून' हॉर्नवर वाजवायचा प्रयत्न करणे !
  • चार चाकीची आर्थिक ऐपत आली तरी जुने दिवस न विसरता ती दुचाकी सारखी चालवणे व कायम तिरकी घुसवण्यास बघणे.
  • समोरच्याचे डोळे पांढरे होतील आणि त्याच्या भावी पिढ्याही आंधळ्या निपजतील इतका 'हाय बीम' उगाचच मारणे !!!

* * *


26 comments:

Mints! said...

Welcome to blogworld !! Expecting to read something new :)

राहुल फाटक said...

Hi mints, Thanx ! :)
होय, नवीन लिहीणार आहेच.. वासरी सारखेही काहितरी. आधीचे लिखाण जरा एकत्र असावे म्हणून तेही पोस्टेन. btw, तुमची (तुझी ?) ओळख नाही पटली :)

Mints! said...

Karadkar :)

sudhir said...

Ha. Ha. Pu. Wa.!!!

Anonymous said...

test

d said...

great ahes tu!

Anonymous said...

very nice.

Rani said...

Agdi sundar likhan karta tumhi.Wish u all the best.

राहुल फाटक said...

Thanx a lot Rani ! hope I can write more frequently...

Rani said...

Of course! You will.Sakshat Saraswati cha varad hasta aahe tuzyawar!
Asach chan chan lihit ja!

Anonymous said...

LaI BHARI BHAU aWADALACH cHAUKAT jAHIR VACHAN KARAYALA PAHIJE!!!!!!!!!!!!!!

shilpa said...

khupach sundar lihila ahes rahul....

Anonymous said...

You seem to be agonised deeply (like all others) by the trafic and road conditions in Pune.

There is something you can do about it to change.

Join a responsible citizens movement www.savepunetraffic.com.

You can use your energy towards bringing about change.

Hemant

राफा said...

Anonymous, Shilpa, Hemant : Thanx a lot !!!!

@Hemant : Yes.. am aware of SavePuneTraffic movement. The site was down few days back (When you had posted your comment).. today its up again. I will go thru it. Thanx.

Anonymous said...

I hope you have seen the SPTM site by now. 2000 violaters were caught last three days while they were standing on zebra at Red light. This is 1 standard of Mission 10viPass being implimented with traffic Police and PMC.

Hemant

राफा said...

Hello Hemant,

Yes. I have joined the SPT Movement. Collective efforts are (usually) much more effective !

and don't worry.. am an optimist :) !. I really liked the fact that recent mission of SPTM i.e. 10vi Pass is very much focused !

It is wise to advance one step at a time but very firmly and without having to look back at those problems again.

Thanx for your reminder.

Cheers !

Anonymous said...

Thanks RAFA for joining SPTM.

Let me know if you would like to contribute in any way.

Hemant
hemant_gadgil@yahoo.com

Swapna said...

sahich aahe sagal likhan khuup aavadala yeu det ajuun

राफा said...

Swapna, Thanx a lot ! :)

पश्या said...

तुझे नाव RAFA नसून ROFL असेच असायला हवे ....
आम्हाला किती हसवायचे याला काही limit ???
तुझ्या ब्लॉगची दवंडी पिटतोय सगळीचकडे !!!

राफा said...

मन:पूर्वक आभार पश्या.. आवडलेल्या लेखांवर आवर्जून प्रतिक्रिया देण्यास वेळ काढल्याबद्दल.. लिहीणा-याला यासम उत्साहवर्धक काही नसते बाकी, पण लक्षात कोण घेतो :)
Thanx a lot !

पश्या said...

लई दिवसांनी पुन्हा वाचला आणि mad सारखा हसलो (नेहमीप्रमाणे हपिसातच)...
एक सूचना आहे - तुझ्या विनोदी लिखाणाला 'विनोदी' असे साधे पांढरपेशे tag करण्यापेक्षा 'मुरकुंडी' असे tag का नाही करत ;)
It seems more appropriate :)

swap said...

1 Number bhari,Punyachya Vahatuk Vyavashela ek marmik chaparak.

राफा said...

Thanx a lot 'Swap' ! :)

tejali said...

rofl.... its an eye opener.... hope people will find d dark side of d post.. jya diwashi punyach trafic sudharel to "sudin "

राफा said...

Tejali, Thanx a ton (again!) :)